واحد
أنا مصري ورافع راسي
بس علي الغلبان
القوى..على رأي القرموطى
بمشيها مفاوضات
اتنين
أنا مصري ورافع راسي
فى الهجس وفى الحوارات
تلاقينى سخونه !
اماالجد..الشغل ..وماشابه
ماليش تقل عليه
على طول اديله صابونه
تلاته
أنا مصري ورافع راسي
ومتديّن
الفرض بفرضه
وبصوم وبزكى وكداهوّن
طب اخر مرة كدبت؟؟
ماكدبش عليك..مش فاكر
طب والرشوة؟؟؟
سيبها علي الله
طب وال...؟؟؟
شفت الماتش امبارح؟؟
اربعه
أنا مصري ورافع راسي
انا مش طماع
انا عيشتى بسيطه واحلامى كمان
بحلم بس
اجيب شقة
وعربية
ولاب توب آبل
وكمان حتة بلاك بيري
وأأمن نفسي بقرشين فى البنك
وبلوفر رقبه طويله
علشان افضل رافع راسي
مانا مصري
هناك 4 تعليقات:
ههههههههه
امممم ..هيا مضحكه
بس مش المصريين ..ده طباع بشر وليس طباع مصريين فقط
فكرتني بأغنية يا مصري ليه دنياك لخابيط علي الحجار...
أخر حتة جحيييييييييييييم :)..منتظرة جديدك :)
حلوة بجد ودمها خفيف تحياتى ومستنيه التدوينه الجديده
حلوة قوى انا كمان مصرية بس مش زيك كده هههههههههههههههههه
إرسال تعليق